സ്വന്തത്തെയും കേരളീയ പൊതു മണ്ഡലത്തെയും നവീകരിക്കുന്ന ജമാഅത്തെ ഇസ്ലാമി എന്ന വിഷയത്തില് അവതരിപ്പിക്കപ്പെട്ട ചര്ച്ചാസദസ്സിന്റെ സംഗ്രഹം.
----------
ആഫ്രിക്കന് ഉപഭൂഖണ്ഡത്തിലെ ഈജിപ്ത്,മൊറോക്കൊ,ടുണീഷ്യ എന്നീരാജ്യങ്ങളില് വിശേഷ്ഷിച്ചും പൊതുവെ മൂസ്ലിം ലോകത്തും ഇസ്ലാമിക നവോഥാന പ്രസ്ഥാനങ്ങള് പുതിയ മില്ലീനിയത്തിന്റെ പ്രാരംഭത്തില് പ്രതീക്ഷാ നിര്ഭരമായിരുന്നു.ദൗര്ഭാഗ്യകരം അത്തരം ഉയിര്ത്തെഴുന്നേല്പ്പുകള് ഓരോന്നും അകത്തും പുറത്തുമുള്ള ഇസ്ലാമിക വിരുദ്ധ ചേരികള് നിര്മിച്ചെടുത്ത പ്രതികൂലാവസ്ഥയില് തീരെ ദുര്ബലമാകുകയൊ, നിര്ജീവമാകുകയൊ ചെയ്തു.യൂറോപ്യന് രാജ്യങ്ങളുടെ തോളുരുമ്മി നില്ക്കുന്ന തുര്ക്കിയ മാത്രമാണ് ഇതിന്നൊരപാവാദം എന്ന് പറയാവുന്നതാണ്.
ഏഷ്യന് രാജ്യങ്ങളിലെ പാകിസ്ഥാന്,ബഗ്ലാദേശ്,ഇന്ത്യ തുടങ്ങിയ രാജ്യങ്ങളിലെ സാമൂഹ്യ രാഷ്ട്രീയ ഭൂമിക അറബ് ആഫ്രിക്കന് രാജ്യങ്ങളില് നിന്നെല്ലാം തികച്ചും വ്യതിരിക്തമാണ്.അതില് ഇന്ത്യയില് തന്നെ കേരളം സവിശേഷമായ മറ്റൊരു ഭൂമിക തന്നെയാണ്.
ദീര്ഘകാലത്തെ ഏകാധിപത്യത്തെ പിഴുതെറിയുന്നതില് നിര്ണായക ശക്തിയായിട്ട് പോലും ഈജിപ്തിലെ അഖ്വാനികള്ക്ക് രാഷ്ട്രീയ വിജയം നേടാനായില്ല.ഇതുപോലെ ഇതര ആഫ്രിക്കന് രാജ്യങ്ങളിലെ അവസ്ഥാന്തരങ്ങളിലും പ്രതീക്ഷകളൊക്കെ കടപുഴകി വീണു. രാഷ്ട്രീയ തന്ത്രങ്ങളുടെ പിടിപ്പ് കേടും സമൂഹ മനസ്സിനെ തൃപ്തിപ്പെടുത്തുന്നതിലെ പരാജയവും വ്യക്തമായ നയനിലപാടുകളിലെ അപജയങ്ങളുമാണ് ഇതിന്ന് കാരണമെന്ന് വിലയിരുത്തപ്പെടുന്നു.
മുസ്ലിം ഭൂരിപക്ഷമുള്ള രാജ്യങ്ങളിലാണെങ്കില് പോലും പൊതു സമൂഹത്തെ കണക്കിലെടുക്കുന്ന വിധമുള്ള തന്ത്രപൂര്ണമായ ശൈലിയുടെ അഭാവം ഇസ്ലാമിക പ്രസ്ഥാനങ്ങളുടെ മുന്നേറ്റത്തിന്റെ രാഷ്ട്രീയ മുഖം ശോഭനമാകുകയില്ല എന്നതാണ് പാഠം.
